Grænaborg

Beint í meginmál
Beint í aðalvalmynd
Beint í flýtileiðir
Beint í slóð
Beint í nýjustu fréttir

Stjörnudeild, 08.febrúar 2012

Á fimmtudaginn var fórum við í þema og hreyfistund. Í þema gerðu Rauði og Guli hópur verkefni með dýr þar sem þarf að raða framenda og afturenda á dýrum rétt saman þ.e. klippa og líma. Græni hópur spjallaði um mismunandi gerðir dýra t.d. lappir og sporð, skinn og feld, svo fóru þau líka í leik þar sem plastdýrin eru sett í poka og þau fara með hendurnar inn í pokann, taka eitt dýr og reyna að giska hvaða dýr þau eru með í höndunum. Í hreyfistund fórum við í stöðvaþjálfun og bjuggum til stöðvar með kollhnís, grjónapokar (henda upp í loft og grípa, ganga með pokann á höfðinu o.s.frv.), trampólín og hjólabretti (breitt bretti á hjólum, lagst á magan og ýtt áfram með höndum).

Á föstudag stjórnuðum við söngsal með glæsibrag en Stóra valið féll niður vegna veikinda starfsfólks.

Á mánudag var Dagur leikskólans og fórum við öll út að faðma leikskólann okkar, myndir af því má finna á grænaborg.is. Það fóru einnig 4 börn í sulló.

Í gær þriðjudag var listasmiðja. Við bjuggum til tásumyndirnar sem hanga í fataklefanum. Þá fékk einn og einn í einu að stíga í málningu (sem var mjög blaut og sleip) og svo labba yfir blaðið og beint í lítinn bala þar sem ég aðstoðaði þau við að þvo sér. Þau voru sum ennþá með agnarögn af málningu á tásunum sem fer auðveldlega í næstu baðferð :) Þetta fannst þeim mjög skrítið og skemmtilegt. Um leið og við gerðum þetta spáðum við í litina og hvernið þeir breytast þegar þeim er blandað saman t.d. blár og gulur verða grænn og svo þegar blái og rauði blönduðust í vatninu varð vatnið fjólublátt.

Í dag er Gugga með tónlistarstund.

Nú hlýnar og kólnar til skiptis og vil ég minna alla á að hafa allar gerðir af útifötum og skófatnaði í leikskólanum, í gær sárvantaði pollagalla og stígvél hjá nokkrum.

Bestu kveðjur frá skemmtilegu Stjörnudeild :)
Hildur og Stjörnurnar

Dagur leikskólans

Í dag 6. febrúar er dagur leikskólans. Undanfarin ár höfum við farið út, öll börn og allt starfsfólk leikskólans, og af og til hafa komið foreldrar líka, og faðmað leikskólann okkar. Við hittumst öll við Sólskindeildina og myndum keðju, í dag náði hún frá Dropadeild og að Mánadeild, og föðmum leikskólann og sungum lagið í leikskóla er gaman. Voða gaman.

Stjörnudeild, 1. febrúar

Og þá er komin febrúar!!

Síðasta fimmtudag fórum við í hreyfistund en slepptum þema vegna veikinda starfsfólks. Í hreyfistund fórum við í skemmtilega hópleiki eins og stoppdans, stórt skip - lítið skip o.fl.

Á föstudeginum var söngsalur og hið árlega þorrablót Grænuborgar. Þá röðuðum við borðum í salinn og allur leikskólinn borðaði saman þorramat og svo fengu allir ís í eftirmat. Þetta er alltaf skemmtilegt og góð stemning. Myndir frá þorrablótinu eru komnar inn á graenaborg.is undir Stjörnudeild.

Á mánudaginn fóru 8 börn í sulló og í gær þriðjudag fóru allir í listasmiðju. Í listasmiðju teiknuðum við myndir af uppáhalds dýrinu okkar og máluðum þau svo með vatnslitum, mjög gaman.

Í dag er tónlist hjá Guggu :)

Eitthvað hefur borið á því að börnin hafa komið með smádót að heiman og ef til vill geymt það í vasanum. Þetta dót truflar þau og önnur börn og langbest er að dótið sé heima. Gleðifréttirnar eru að það er dótadagur núna á föstudaginn 3. febrúar :)

Bestu kveðjur
Hildur og Stjörnurnar