Grænaborg

Beint í meginmál
Beint í aðalvalmynd
Beint í flýtileiðir
Beint í slóð
Beint í nýjustu fréttir

Stjörnudeild, 18.janúar

Á fimmtudaginn byrjaði þema og hreyfistund eftir jólafrí.
Nýja þemað okkar er dýr og fóru allir í hópana sína þar sem þemað var kynnt. Við töluðum um alls konar dýr t.d. á landi og í sjó og á lofti. Við töluðum líka um gæludýr og pöddur.
Í Hreyfistund fóru allir hópar í tröllaþrautabraut þar sem tröllasaga var lesin og börnin breyttust í tröllabörn og þurftu að fara í gegnum ýmsar þrautir til að komast í afmæli hjá stóru tröllabörnunum, það fannst þeim nú ekki leiðinlegt :)

Á föstudaginn var söngsalur og stóra val.

Á mánudaginn fóru 8 börn í sulló.

Í gær, þriðjudag, fóru allir í listasmiðju. Við könnuðum hvernig litirnir breyttust þegar málningu var blandað saman t.d. gulur og rauður verða appelsínugulur og svo máluðum við á blað með litlum svömpum og létum svampana hoppa á blaðinu. Allir urðu mjög skítugir á höndunum og var það mest spennandi að vera allur út ataður í málningu.

Í dag fer tónlistinn loksins af stað og fer Gugga (aðstoðarleikskólastjóri) með alla hópana í tónlistarstund.

Eitthvað hefur borið á því að börnin séu ekki með aukaföt í töskunni. Það er mjög gott að hafa aukaföt, það getur alltaf eitthvað komið upp á t.d. koma þau oft blaut inn úr útiveru eða þau hella niður á sig í matartímunum.

Þeir sem hafa fengið lánsföt af leikskólanum með sér heim mega endilega skila þeim aftur í leikskólann þar sem okkur er farið að vanta lánsföt.

Einnig vil ég minna á regnföt nú þegar hlákan kemur og fer.....

Það eru komnar myndir inn á heimasíðuna frá listasmiðju í síðustu viku þegar þau voru að sauma út.

Alltaf stuð á Stjörnudeild :)

Bestu kveðjur
Hildur og Stjörnurnar

Stjörnudeild, 10.janúar

Það eru 4 börn af Mánadeild í aðlögun hjá okkur þau Alma, Amelía, Sóley og Sveinn Ingi og bjóðum við þau og foreldra þeirra hjartanlega velkomin á Stjörnudeild :) Aðlögunin gengur vel og eru nýju börnin sátt og glöð á Stjörnudeild.

Iðunn Ólöf og Þorsteinn Kári eru núna komin yfir á Sólskinsdeild og þökkum við þeim og foreldrum fyrir samveruna.

Nú er allt að detta í fastar skorður hjá okkur. Við fórum í Sulló á mánudaginn og fóru 8 börn að sulla. Við fórum í listasmiðju í gær þar sem allir fengu að sauma út og fannst þeim það mjög spennandi og margir vildu gera meira. Í dag teiknuðu þau svo fjölskyldumynd í ferilmöppuna sína. Á morgun byrjar svo þema og hreyfistund af krafti.

Nú eru komnar myndir inn á heimasíðuna graenaborg.is frá Jólaballinu. Endilega kíkið á þær.

Bestu kveðjur
Hildur og Stjörnurnar

Mánadeild, 10. janúar

Hér á Mánadeild er allt gott að frétta og hjá okkur eru nokkrar breytingar. Um áramótin hættu nokkur börn á leikskólanum og þar af leiðandi þurftum við að færa börn á milli deilda. Þau börn sem eru byrjuð í aðlögun á Stjörnudeild eru Sóley Aðalbjörg, Amelía, Alma og Sveinn Ingi. Hingað koma svo þrjú börn af Dropadeild en það eru þær Lísa Dagbjört, Ronja og Chamatka. Þær eru allar fæddar 2009. Við eigum eftir að sakna stóru Mánanna okkar mikið og erum viss um að þau eiga eftir að standa sig eins og hetjur á Stjörnudeild. Við bjóðum líka nýju Mánana kærlega velkomna og hlökkum til að kynnast þeim betur.

Svo sendum við bara baráttusnjókveðjur, Lotta og Mánarnir.